Opisyal ng binuksan noong ika-7 ng Marso, sa Baguio City ang City of Malolos Youth Congress 2025 na may temang โYouth as Agents of Change for a Sustainable Futureโ.
Ang naturang pagtitipon ay binubuo ng mga kinatawan mula sa Pederasyon ng Sangguniang Kabataan ng Lungsod ng Malolos, mga guro, lider-estudyante, halal na kabataang opisyal, Youth ambassadors at ambassadress, mga kalihim at ingat-yaman, mga konsehal ng barangay, at iba pang mga pangulo at kinatawan ng ibaโt ibang organisasyon sa lungsod.
Sinimulan ang pagbubukas sa panimulang mensahe nina City Youth Development Officer Bryan Paulo S. Santiago, SK Federation President Rian Maclyn R. Dela Cruz, at SK Federation Vice President Romeo Gabriel P. Santos, kanilang binigyang-diin ang kahalagahan ng pagkakaisa ng kabataan at hinikayat ang lahat na aktibong makilahok sa makabuluhang talakayan. Hinimok din nila ang mga dumalo na magtulungan sa pagbuo ng mga solusyong maghahatid sa mas maunlad at mas maliwanag na kinabukasan para sa lahat.
Sinundan ito ni Konsehal John Vincent โJVโ Vitug III na tinalakay ang kahalagahan ng policy-making at ang papel ng mga kabataan sa Philippine Youth Development Plan. Aniya, mahalagang maunawaan ng mga kabataan kung paano binubuo ang mga polisiya upang mas mapalakas ang kanilang partisipasyon sa pamamahala at pagpapatupad ng mga programa para sa kanilang sektor.
Nagpahayag din ng suporta sina Konsehal Victorino โTroiโ Aldaba III at Pangalawang Punong Lungsod Miguel Alberto โMigsโ T. Bautista. Ayon kay Bautista, patuloy nilang susuportahan ang mga kabataan at hinimok niya ang mga ito na huwag matakot mangarap. Dagdag niya, mahalagang ibahagi at ituro sa kapwa kabataan ang kahalagahan ng kolektibong pagkilos upang matugunan ang ibaโt ibang suliraning kinakaharap ng lipunan.
Samantala, binanggit ni City Administrator Joel S. Eugenio na posibleng simulan ngayong taon ang pilot testing ng Smart City Roadmap. Ayon sa kaniya, malaki ang tiwala ni Punong Lungsod Abgdo. Christian D. Natividad sa kakayahan ng mga kabataan dahil sila ang may mga makabago at malikhaing ideya na maaaring makatulong sa pagpapabuti ng mga proyekto ng pamahalaang lungsod. Kasabay nito, pormal niyang idineklara ang pagbubukas ng nasabing kongreso.
Matapos ang mga makabuluhang talumpati, sinundan ito ng Ceremonial Signing ng Memorandum of Understanding (MOU) para sa BUKLODAN o Buklod Kabataan Program. Ang kasunduang ito ay naglalayong pagtibayin ang ugnayan ng Pamahalaang Lungsod ng Malolos, City Youth Development Council (CYDC), City Youth Development Alliance (CYDA), at Pederasyon ng mga Sangguniang Kabataan (PSK) upang higit pang mapalakas ang partisipasyon ng kabataan sa pamamahala at pagpapaunlad ng kanilang komunidad.
Sa ilalim ng MOU, itinakda ang mga layunin ng programa, kabilang ang pagpapalakas ng partisipasyon ng kabataan sa governance at pagpapaunlad ng komunidad, pagsusulong ng leadership at skills development programs, at pagpapalaganap ng mga programang pangkabuhayan para sa kabataan.
Sa pamamagitan ng kasunduang ito, tiniyak na ang mga kabataang Maloleรฑo ay mabibigyan ng sapat na kaalaman, kasanayan, at oportunidad upang maging aktibong bahagi ng mga proseso ng pagpapasya at pagpapatupad ng mga proyektong pangkaunlaran sa kanilang lungsod.