Sa masigasig na pamumuno ng City Agriculture Office, katuwang ang Bulacan Agriculture State College at Asia Society for Social Improvement and Sustainable Transformation (ASSIST), matagumpay na naisakatuparan ang unang araw ng pagsasanay tungkol sa Good Agricultural Practices (GAP) nitong ika-9 ng Enero, 2025.

Ang 𝑮𝒐𝒐𝒅 𝑨𝒈𝒓𝒊𝒄𝒖𝒍𝒕𝒖𝒓𝒂𝒍 𝑷𝒓𝒂𝒄𝒕𝒊𝒄𝒆𝒔 (GAP) ay isang sistema ng pamantayan sa pagsukat ng ligtas at likas-kayang produksyon ng mga pananim. Binubuo ito ng apat na haligi: ligtas at dekalidad na pagkain, kakayahang pang-ekonomiya, likas-kayang kapaligiran, at pagtanggap ng lipunan.

Ayon kay Supervising Agriculturist Rebecca S. Hernandez, 50 magsasaka mula sa Barangay Ligas, Bungahan, Dakila, Sumapang Bata, at Sumapang Matanda ang dumalo sa unang araw ng pagsasanay, kung saan, mas papalawakin ang kaalaman ng mga magsasaka hinggil sa Project YABONG.

Dagdag pa niya, ang Project YABONG ay isang kolaborasyon ng ASSIST at Royal Eijelkamp ng Netherlands na gumagamit ng makabagong teknolohiya tulad ng 𝒓𝒆𝒎𝒐𝒕𝒆, 𝒅𝒊𝒈𝒊𝒕𝒂𝒍, 𝒂𝒕 𝒄𝒍𝒐𝒖𝒅-𝒃𝒂𝒔𝒆𝒅 𝒔𝒚𝒔𝒕𝒆𝒎𝒔 upang mapabuti ang lupa at tubig sa sakahan.

Kung matatandaan, ang Royal Eijelkamp pauna ng nagkabit ng 𝑺𝒐𝒊𝒍, 𝑾𝒂𝒕𝒆𝒓 𝒂𝒏𝒅 𝑵𝒖𝒕𝒓𝒊𝒆𝒏𝒕 𝑺𝒚𝒔𝒕𝒆𝒎 sa Lungsod ng Malolos noong ika-28 ng Hunyo 2024. Simula noon, aktibong nagbibigay ng pagsasanay ang lokal na pamahalaan para sa tamang paggamit ng teknolohiyang ito.

Sa unang bahagi ng seminar, ipinaliwanag ni Inh. Emil B. Gulapa mula sa Bulacan Agriculture State College ang mga hakbang upang maiwasan ang labis na paggamit ng chemical fertilizer.

Tinalakay niya ang kalusugan ng lupa, kabilang ang tamang uri para sa halaman, kahalagahan ng 𝒐𝒓𝒈𝒂𝒏𝒊𝒄 𝒎𝒂𝒕𝒕𝒆𝒓, 𝒔𝒐𝒊𝒍 𝒄𝒐𝒏𝒔𝒆𝒓𝒗𝒂𝒕𝒊𝒐𝒏 at ugnayan ng hangin at tubig. Binanggit din ang 𝑺𝒐𝒊𝒍 𝑯𝒆𝒂𝒍𝒕𝒉 𝑨𝒔𝒔𝒆𝒔𝒔𝒎𝒆𝒏𝒕, 𝑻𝒆𝒔𝒕𝒊𝒏𝒈, 𝑺𝒂𝒎𝒑𝒍𝒊𝒏𝒈, at mga 𝒄𝒉𝒆𝒎𝒊𝒄𝒂𝒍, 𝒃𝒊𝒐𝒍𝒐𝒈𝒊𝒄𝒂𝒍, 𝒂𝒕 𝒑𝒉𝒚𝒔𝒊𝒄𝒂𝒍 𝒑𝒓𝒐𝒑𝒆𝒓𝒕𝒊𝒆𝒔 ng lupa.

Sa ikalawang bahagi ng pagsasanay, tinalakay ni Dr. Meriam F. Sulit, dalubhasa sa Soil and Water Management, ang ugnayan ng lupa, tubig, at halaman. Ipinaliwanag niya ang tamang uri ng lupa, paggamit ng pataba, at pagpapabuti ng kalidad nito, pati na rin ang pagsukat ng nutrients tulad ng 𝒑𝙤𝒕𝙖𝒔𝙨𝒊𝙪𝒎, 𝙥𝒉𝙤𝒔𝙥𝒉𝙤𝒓𝙪𝒔, 𝙘𝒂𝙡𝒄𝙞𝒖𝙢, 𝒏𝙞𝒕𝙧𝒂𝙩𝒆, 𝙖𝒕 𝒄𝙤𝒏𝙙𝒖𝙘𝒕𝙞𝒗𝙞𝒕𝙮, gamit ang mga modernong tools.

Sa ikatlong bahagi ng seminar, tinalakay ni Dir. Rael C. Tejada ang agricultural systems, mga suliranin sa sektor, programa ng pamahalaan, at ang halaga ng pananaliksik at teknolohiya sa pag-unlad ng agrikultura at ekonomiya.

Sa pagtatapos ng pagsasanay, pinangunahan ni Inh. Nelson Silverio ang demonstrasyon ng operasyon ng 𝒘𝒂𝒕𝒆𝒓 𝒔𝒚𝒔𝒕𝒆𝒎. Ipinakita niya ang tamang paggamit ng iba’t ibang bahagi ng sistema, kabilang ang pagsukat ng ulan, tubig, at 𝒎𝙤𝒊𝙨𝒕𝙪𝒓𝙚 𝙡𝒆𝙫𝒆𝙡 ng lupa.

Ang mga nakalap na datos ay ipinapadala sa isang 𝒐𝒏𝒍𝒊𝒏𝒆 𝒑𝒍𝒂𝒕𝒇𝒐𝒓𝒎 na pinapagana ng 𝒊𝒏𝒕𝒆𝒓𝒏𝒆𝒕 𝒂𝒕 𝑺𝑰𝑴-𝒃𝒂𝒔𝒆𝒅 𝒕𝒆𝒄𝒉𝒏𝒐𝒍𝒐𝒈𝒚. Itinuro rin niya ang wastong paraan ng pagkuha ng soil samples sa lalim na 20 cm, 40 cm, at 60 cm upang matiyak ang maayos na pagsusuri ng lupa.

Inaasahan na ang nasabing pagsasanay ay magpapatuloy hanggang sa ika-30 ng Enero.