Ang Barangay Atlag ay isa sa mga unang nayon na natatag sa Malolos. Nabigyan ng natatanging yaman ng kalikasan, matatagpuan dito ang isang mayamang ilog na naglalagos sa Look ng Maynila. Naging  sentro rin ang Atlag ng mga lihim na pagtitipon ng mga mamamayang nag-aklas laban sa mga Kastila noong panahon ng himagsikan. Dito ay may kabuuang populasyon na 5,204 sa may 1, 134 na kabahayan. Ang Atlag ay may kabuuang sukat ng lupain na 466,064 metro kuwadrado.