Ang Barangay Bagna ay isang dating pamayanan na bahagi ng Panasahan sa bandang timog at Atlag sa hilaga. Subali’t ng magkaroon ng cadastral  survey sa panahon ng noon ay tenyente del barrio Eugenio Estrella Sr., ang Bagna ay kinilala bilang isang opisyal na nayon ng bayan ng Malolos. Ang barangay Bagna ay may sukat na 667,401 metro kuwadrado at may layong humigit kumulang na tatlong (3) kilometro mula sa kabayanan ng Malolos. Bilang isang urban at coastal barangay, kilala ang barangay sa pangunahin nitong produkto – ang talaba. May  kabuuang bilang na 5,094 populasyon sa 1, 178 na kabahayan.