Ang Barangay Look 2nd ay dating isang madawag na luntian na natatamnan ng iba’t ibang uri ng punongkahoy , mga sasa at bakawan at pinanirahan ng iba pang uri ng hayop na nabubuhay sa katubigan. Isa sa mga matatandang pook sa Malolos, ang barangay Look 2nd ay nasa  dulong bahagi ng Silangan Malolos na nagsisilbing lagusan mula sa hilagang bahagi ng bayan ng Bulakan at sa silangang bahagi ay ang bayan ng Guiguinto. Ito ay may sukat na 3,375, 755 metro kuadrado. Sa ngayon ay may malawak na palayan at mga gulayan , ang Look 2nd ay may kabuuang populasyon na 3,437 mula sa may 761 na kabahayan.