Ang Barangay Pamarawan ang itinuturing na pinakaprogresibo sa lahat ng mga barangay na nasa coastal area. Tulad ng iba pang islang barangay, mayaman sa mga likas na yaman dagat tulad ng iba’t-ibang klase ng isda, alimango, alimasag at mga hipon. May lugar din dito kung saan pinangangalagaan ang mga bakawan. Madalas puntahan ng mga turista, ang pangunahing hanapbuhay dito ay ang pangingisda. Ang bilang ng populasyon ng barangay ay umaabot sa 3,336 katao (2015 Census).