Kaalinsabay ng lingguhang pagtataas ng watawat, ipinahayag ng 6 na Rotary Club sa Malolos ang kanilang Polio Eradication Program bilang bahagi ng paggunita sa World Polio Day nitong ika-24 ng Oktubre.

Naging bahagi rin ng programa ang pagbibigay pagkilala ni President Dodie Guevarra ng Rotary Club of Malolos- Congreso, sa mga health workers sa Lungsod upang maabot ang 98% na dapat mabakunahan kontra-polio.

Nagkaroon din ng ceremonial vaccination sa pangunguna ni Mayor Christian D. Natividad upang makapanghikayat pa na wakasan ang polio at itaas ang antas ng kamalayan ng mga Malolenyo sa kahalagahan ng bakuna kontra-polio.