Bilang bahagi ng pagdiriwang ng Fiesta ng Republica 2025 sa Lungsod ng Malolos, sa pangunguna ng Central Luzon Tour Guides’ Association (CLTGA) katuwang ang Department of Tourism (DOT) katuwang ang Tourism Division ng Pamahalaang Lungsod ng Malolos, ay naging makabuluhan ang unang araw ng summit nitong ika – 21 ng Enero, 2025.

Dinaluhan ito ng mga mag-aaral mula sa School of Tourism, Hospitality and Management, National University of Baliuag, Richwell Colleges, Inc. at Accredited Tour Guides sa buong Central Luzon.

Ang CLTGA na pinamumunuan ni Angelo Paolo O. Chico katuwang ang DOT ay nagsasagawa ng mga gawaing katulad nito para sa mga Accredited Tour Guides at mga mag aaral sa buong rehiyon upang magbahagi ng bagong kasanayan na magagamit sa pagsulong ng turismo at kultura sa buong Central Luzon.

Sa unang bahagi, tinalakay ni G. Bruno Tiotuico, isang batikang photographer, ang mga pangunahing aspeto ng potograpiya. Ipinaliwanag niya ang ilang teknikal na aspeto nito katulad ng paano kontrolin ang eksposyur ng litrato gamit ang “𝑬𝒙𝒑𝒐𝒔𝒖𝒓𝒆 𝒕𝒓𝒊𝒂𝒏𝒈𝒍𝒆” – 𝒊𝒔𝒐, 𝒂𝒑𝒆𝒓𝒕𝒖𝒓𝒆 𝒂𝒕 𝒔𝒉𝒖𝒕𝒕𝒆𝒓 𝒔𝒑𝒆𝒆𝒅; mga sitwasyon kung saan ginagamit ang mabagal at mabilis na 𝘴𝘩𝘶𝘵𝘵𝘦𝘳 𝘴𝘱𝘦𝘦𝘥, maging ang konsepto ng 𝘥𝘦𝘱𝘵𝘩 𝘰𝘧 𝘧𝘪𝘦𝘭𝘥 na nakakapagbigay ng magandang 𝑓𝘰𝑐𝘶𝑠 at 𝘣𝑎𝘤𝑘𝘨𝑟𝘰𝑢𝘯𝑑 sa mga larawan.

Ayon sa kaniya, pantay na mahalaga ang kasanayan at kagamitan sa potograpiya. Aniya, kahit gaano kaganda ang camera, hindi magagamit nang buo ang potensyal nito kung kulang ang kasanayan ng isang litratista.

Sa m𝑜b𝑖l𝑒 𝑝h𝑜t𝑜g𝑟a𝑝h𝑦 naman, nagbigay siya ng mga praktikal na tips tulad ng pag-iwas sa 𝘥𝑖𝘨𝑖𝘵𝑎𝘭 𝘻𝑜𝘰𝑚, paggamit ng 𝘦𝑑𝘪𝑡𝘪𝑛𝘨 𝘴𝑜𝘧𝑡𝘸𝑎𝘳𝑒, at pagkuha ng maraming larawan para sa mas magandang resulta. Ipinaliwanag din niya ang mga pangunahing prinsipyo ng composition tulad ng 𝑅𝘶𝑙𝘦 𝘰𝑓 𝑇𝘩𝑖𝘳𝑑𝘴, 𝑆𝘺𝑚𝘮𝑒𝘵𝑟𝘺, 𝑎𝘵 𝘓𝑒𝘢𝑑𝘪𝑛𝘨 𝘓𝑖𝘯𝑒𝘴.

Sa ikalawang bahagi ng pagsasanay, naging tagapagsalita naman si Regional Director Richard Daenos ng Department of Tourism – Central Luzon. Tinalakay niya ang “𝑬𝒍𝒆𝒎𝒆𝒏𝒕𝒔 𝒐𝒇 𝑪𝒓𝒆𝒂𝒕𝒊𝒗𝒆 𝑻𝒐𝒖𝒓 𝑮𝒖𝒊𝒅𝒊𝒏𝒈” na nagbigay-diin sa lokal na 𝑚𝑎𝑟𝑘𝑒𝑡𝑖𝑛𝑔 para sa 𝑐𝑢𝑙𝑖𝑛𝑎𝑟𝑦 𝑡𝑜𝑢𝑟𝑖𝑠𝑚.

Sinimulan niya ang kanyang talakayan sa pagpapamalas ng showmanship at pagkamalikhain sa pamamagitan ng pagtatanong sa mga mag-aaral at tour guides tungkol sa konsepto ng puto at pagkakaibigan upang pukawin ang kanilang malikhaing pag-iisip.

“Gumawa ng bago. Iyan ang kahulugan ng creative tour guiding,” ani Daenos. Dagdag pa niya, “Gamitin ang pag-iisip na may sensibilidad at tamang atake”.

Ipinaliwanag din ni Daenos ang pagkakaiba ng tradisyunal na tour guiding at ang mas makabago, mas malikhaing paraan nito. Inilahad niya ang konsepto ng Bloom’s Taxonomy, kung saan ang pagkamalikhain ay itinuturing na pinakamataas na antas ng kakayahang mag-isip.

Hinikayat niya ang mga dumalo na gawing makabuluhan ang kanilang mga salaysay sa pamamagitan ng pagsasanib ng kultura, pagkain, at lokal na kwento upang higit na maakit ang mga turista.

Sa huling bahagi ay nagkaroon ng praktikal na pagsasanay sa video editing na pinangunahan muli ni G. Bruno Tiotuico.

Ang aktibidad ay naging makabuluhan dahil sa kombinasyon ng teorya at praktikal na aplikasyon, na naglalayong palawakin ang kaalaman ng mga dumalo para sa promosyon ng kultura at turismo ng Malolos.

Sa pagtatapos ng seminar, nagtungo ang mga mag-aaral at accredited tour guides sa Malolos Banchetto Night Market. Dito, nagkaroon sila ng pagkakataong maranasan at matikman ang iba’t ibang lokal na produkto.

Ilan pa sa mga inaasahang gawain ng CLTGA hanggang ika-23 ng Enero, 2025 ang Palengke Tour, pagbisita sa Kamestisuhan District, malikhaing pag-gabay sa Pagpupuni, panonood ng pelikula patungkol sa Kababaihan ng Malolos, at ang pakikiisa sa paggunita ng Ika- 126 na Anibersaryo ng Unang Republika sa Pilipinas.