Nagsagawa ng Appreciation Night ang LYDC ng Malolos noong ika-21 ng Disyembre upang magbigay pagkilala sa bawat youth individual, youth organization, youth serving organizations at mga miyembro ng LYDC ng Malolos.

Binigyang pagkilala ni Atty. Kenneth Ocampo – Lantin mula sa Provincial Youth Council ang LYDC ng Malolos sa pangunguna ni Bryan Paulo Sibayan Santiago sa kahusayang ipinamalas nito sa mga proyekto at gawain para sa bawat kabataan sa maikling panahon, pati na rin ang pagsunod sa iba’t ibang pamantayan para sa Youth Development ng Malolos.

Lubos ang pasasalamat ni SK President Patrick S. Dela Cruz sa bawat kasapi mula sa iba’t ibang Youth Organization na naki-isa sa bawat proyekto at gayundin ang kaniyang paghikayat sa mga ito at sa mga susunod na kabataang uupo na ipagpatuloy pa ang mga proyekto at magandang adhikan ng LYDC.

Ayon kay Bryan Paulo Sibayan Santiago, mas paiigtingin pa nila ang mga proyekto at mga pamantayan para sa mga kabataan ng Malolos. Lubos din ang kaniyang pasasalamat sa lahat ng sumuporta sa adhikain ng LYDC City of Malolos. Hinikayat niya rin na suportahan ng bawat kabataang Malolenyo ang ilulunsad nilang Facebook page na “Malolenyo Youth” sa susunod na taon.