Bilang bahagi ng pagdiriwang ng Fiesta ng Republica 2025, isinagawa ang maringal at makasaysayang paghahawi ng tabing ng “SINEliksik Bulacan Heritage Marker ng 𝐻𝑖𝑚𝑝𝑖𝑙𝑎𝑛𝑔 𝐷𝑎𝑎𝑛𝑔-𝐵𝑎𝑘𝑎𝑙 𝑛𝑔 𝐵𝑎𝑟𝑎𝑠𝑜𝑎𝑖𝑛 𝑎𝑡 𝑀𝑎𝑙𝑜𝑙𝑜𝑠” sa Old PNR Station noong ika – 21 ng Enero.

Ang 𝐻𝑖𝑚𝑝𝑖𝑙𝑎𝑛𝑔 𝐷𝑎𝑎𝑛𝑔-𝐵𝑎𝑘𝑎𝑙 𝑛𝑔 𝐵𝑎𝑟𝑎𝑠𝑜𝑎𝑖𝑛 𝑎𝑡 𝑀𝑎𝑙𝑜𝑙𝑜𝑠 ay itinayo noong 1891 bilang bahagi ng linyang 𝐹𝑒𝑟𝑟𝑜𝑐𝑎𝑟𝑟𝑖𝑙 𝑑𝑒 𝑀𝑎𝑛𝑖𝑙𝑎 𝑎 𝐷𝑎𝑔𝑢𝑝𝑎𝑛 (naging Manila Railway Company taong 1906 at Philippine National Railways taong 1964). Dito nanaog si Jose Rizal nang siya ay bumisita sa Malolos, 1892 at ang mga 𝘋𝘦𝘭𝘦𝘨𝘢𝘥𝘰 𝘯𝘨 𝘒𝘰𝘯𝘨𝘳𝘦𝘴𝘰 𝘯𝘨 𝘔𝘢𝘭𝘰𝘭𝘰𝘴 taong 1898-1899. Nasira noong

Ikalawang Digmaang pandaigdig, 1945 at tuluyang isinara, 1991

Ito ay opisyal na idineklara bilang Mahalagang Yamang Pangkalinangan ng Lalawigan ng Bulacan sa bisa ng Kapasiyahan Blg. 248-T’2023.

Dagdag pa rito, ang Himpilang 𝐷𝑎𝑎𝑛𝑔-𝐵𝑎𝑘𝑎𝑙 𝑛𝑔 𝐵𝑎𝑟𝑎𝑠𝑜𝑎𝑖𝑛 𝑎𝑡 𝑀𝑎𝑙𝑜𝑙𝑜𝑠 ang 𝐢𝐤𝐚-𝟏𝟑 sa daan-daang panandang pamana o 𝐒𝐈𝐍𝐄𝐥𝐢𝐤𝐬𝐢𝐤 𝐁𝐮𝐥𝐚𝐜𝐚𝐧 𝐇𝐞𝐫𝐢𝐭𝐚𝐠𝐞 𝐌𝐚𝐫𝐤𝐞𝐫 sa lalawigan ng Bulacan na siyang bahagi rin ng SHINE Bulacan Project mula sa pakikipagtulungan sa Commission on Higher Education (CHED) sa pamamagitan ng Bulacan State University (BulSU) na nagsimula noong taong 2020.

Ayon kay May Arlene DG. Torres, nanunungkulang puno ng Provincial History, Arts, Culture, and Tourism Office (PHACTO), Ang mga pamanang istruktura gaya nito [𝐷𝑎𝑎𝑛𝑔-𝐵𝑎𝑘𝑎𝑙 𝑛𝑔 𝐵𝑎𝑟𝑎𝑠𝑜𝑎𝑖𝑛 𝑎𝑡 𝑀𝑎𝑙𝑜𝑙𝑜𝑠] ang nagpapa-alala sa atin kung saan tayo nagmula at kung saan ang ating patutunguhan.

Dagdag pa niya, “Bukod sa pangangalaga sa pamana, ang hakbang na ito ay may malaking ambag sa sektor ng turismo; ang mga turista ay nahihikayat sa mga lugar kung saan ang mga kasaysayan ay buhay [buHAY], mga lugar na nagpapakita ng ating nakaraang bilang pagka-Pilipino”.

Sa Mensaheng pagtanggap, lubos ang pasasalamat ni Punong Lungsod Abgdo. Christian D. Natividad sa Pamahalaang Lalawigan ng Bulacan sa patuloy na pagbibigay ng maigting na importansya at pagpapahalaga sa mga makasaysayang gusali na may kinalaman sa yaman ng kultura ng Lungsod ng Malolos.

Aniya, “Rest assured, we will continue the challenge in preserving and promoting the rich culture of Malolos at magiging bahagi pa ng mga susunod na henerasyon.”

Dumalo, nakiisa at naging saksi sa paghahawi sina Pangalawang Punong Lalawigan Alexis C. Castro, Bokal Romina Fermin ng Unang Distrito, Provincial Administrator Anne Constantino, Atty. Lyvette San Diego (Kinatawan ni Congressman. Danny A. Domingo), Pangalawang Punong Lungsod Miguel Alberto T. Bautista, Dr. Keno C. Piad (kinatawan ni Dr. Teody C. San Andres, Pangulo ng Bulacan State University), Abgdo. Dagiw-A K. Cudalap (kinatawan ng DOTr at PNR), Gertudes N. De Castro, Assistant City Administrator, Chief of Staff Fernando E. Durupa, G. Rommel D. Santiago, OIC-Deputy Officer mula sa Malolos City Tourism Office.