Malugod na tinanggap ni Mayor Natividad ang plake ng pagkilala mula sa PRO 3 dahil sa kanyang patuloy na suporta na kaniyang ibinibigay sa mga programang pangkapayapaan.

Ayon kay Mayor Natividad, “Mula noon hanggang ngayon, nag-iisang tagapagpanatili ng kapayapaan, tagapagbigay ng katiwasayan ng kalooban ng bawat pamilya ang ating mga kapulisan.

Tiniyak din ni Natividad na laging handa at katuwang ng Regional Office 3, Camp.Olivas ang Malolos City Police Force sa pagtugis ng mga masasamang loob nang hindi na magkaroon ng puwang ang krimen sa Rehiyon 3.

Kaisa rin si Mayor Natividad sa paggawad ng Medalya ng Kasanayan kay Police Lieutenant Colonel Arwin M. Tadeo at 7 pang myembro Regional Recruitment and Selection Unit 3 at iba pang personnel ng Police Regional Office 3 na naging bahagi ng matagumpay na 2nd Cycle Recruitment Processing 2021 ng Patrol Man and Woman Regular Recruitment Program.