Ika-18 ng Marso – Binigyang pagkilala ng Pamahalaang Lungsod ng Malolos ang 2 Kababaihan at 1 Samahang Pangkababaihan bilang resipyent ng mga parangal sa nakaraang Gawad Medalyang Ginto na isinagawa sa Hiyas Convention, City of Malolos, Bulacan noong ika – 12 ng Marso na sina 𝐆𝐧𝐠. 𝐉𝐨𝐧𝐚𝐡 𝐋. 𝐆𝐚𝐫𝐜𝐢𝐚 – 𝐍𝐚𝐭𝐚𝐭𝐚𝐧𝐠𝐢𝐧𝐠 𝐁𝐚𝐛𝐚𝐞 𝟐𝟎𝟐𝟒, 𝐆𝐧𝐠. 𝐏𝐚𝐥𝐦𝐚𝐫𝐢𝐧𝐚 “𝐀𝐥𝐦𝐚” 𝐁. 𝐓𝐞𝐣𝐮𝐜𝐨 – 𝐍𝐚𝐭𝐚𝐭𝐚𝐧𝐠𝐢𝐧𝐠 𝐁𝐚𝐛𝐚𝐞𝐧𝐠 𝐌𝐚𝐤𝐚𝐤𝐚𝐥𝐢𝐤𝐚𝐬𝐚𝐧 𝟐𝟎𝟐𝟒, 𝐚𝐭 𝐬𝐚𝐦𝐚𝐡𝐚𝐧 𝐧𝐠 𝐊𝐨𝐧𝐬𝐞𝐡𝐨𝐧𝐠 𝐏𝐚𝐧𝐠𝐥𝐮𝐧𝐬𝐨𝐝 𝐩𝐚𝐫𝐚 𝐬𝐚 𝐊𝐚𝐛𝐚𝐛𝐚𝐢𝐡𝐚𝐧 𝐧𝐠 𝐌𝐚𝐥𝐨𝐥𝐨𝐬 𝐬𝐚 𝐩𝐚𝐦𝐮𝐦𝐮𝐦𝐨 𝐧𝐢 𝐏𝐚𝐧𝐠𝐮𝐥𝐨𝐧𝐠 𝐌𝐚𝐫𝐢𝐚 𝐂𝐫𝐢𝐬𝐭𝐢𝐧𝐚 𝐃𝐢𝐨𝐧𝐢𝐬𝐢𝐨.

Ang Gawad Medalyang Ginto 2024 ay may temang “Matatag na Pamilyang Bulakenyo, Katuwang sa Pagpapaunlad ng Lalawigan Ko” alinsunod sa Pagdiriwang ng Buwan ng Kababaihan sa pangunguna ng Panlalawigang Komisyon para sa Kababaihan ng Bulacan (PKKB).

Ayon kay Gng. Jonah L. Garcia, lubos ang kaniyang pasasalamat sa Lungsod ng Malolos sa walang sawang suporta sa mga adbokasiyang kaniyang isinusulong hindi lamang para sa mga kababaihan gayundin sa mga kabataan.

Ayon din kay Gng. Garcia ilan sa mga proyekto na kaniyang isinusulong ay, Puni Making, Paggamit ng Natural at Recyclable Materials, Religious Activities – paggawa ng Palaspas at pagbibigay nito sa mga Simbahan bilang Donasyon.

“Ang mga kababaihan ay Multi-Faceted, sa Pamilya, Karera, at sa Kapwa” ani Garcia.

Dagdag naman ni Gng. Palmarina, kaniyang mas paiigtingin ang kaniyang adbokasiya na mapabuti ang lagay ng kalikasan sa Lungsod ng Malolos. Dagdag pa niya, isa sa natatanging proyekto na nabigyang pansin ng PKKB ay yung “pangangalakal” na siyang nagsisilbing gawain para mapanatili ang kaayusan sa kalikasan gayundin naipapalit sa pera na siya namang ginagamit sa mga proyektong pangkalikasan.

Dumalo at nakiisa sina Punong Lungsod Abgdo. Christian D. Natividad, Konsehal Abgdo. Niño Bautista, Konsehal Therese Cheryll “Ayee” Ople, Konsehal Ega Domingo, ABC President Jun Cruz at CSWDO Department Head Lolita S.P. Santos, RSW.