Kapansin-pansin ang makukulay na kasuotan mula sa iba’t ibang bansa sa Timog-Silangang Asya na namayagpag sa isinagawang flag ceremony nitong Lunes. Tampok dito ang tradisyunal at makabagong interpretasyon ng mga pananamit ng mga kawani ng Pamahalaang Lungsod ng Malolos.

Alinsunod ito sa Memorandum Circular Blg. 16, s. 2024 ng Civil Service Commission (CSC), kung saan hinihikayat ang mga kawani ng gobyerno na magsuot ng ASEAN-inspired na kasuotan tuwing unang Lunes ng buwan.

Ayon kay Cristina R. Gutierrez, CHRMO Department Head, “𝘈𝘯𝘨 𝘱𝘢𝘯𝘶𝘯𝘵𝘶𝘯𝘢𝘯 𝘢𝘺 𝘪𝘯𝘢𝘢𝘵𝘢𝘴𝘢𝘯 𝘢𝘯𝘨 𝘭𝘢𝘩𝘢𝘵 𝘯𝘨 𝘦𝘮𝘱𝘭𝘦𝘺𝘢𝘥𝘰 𝘯𝘨 𝘱𝘢𝘮𝘢𝘩𝘢𝘭𝘢𝘢𝘯 𝘯𝘢 𝘮𝘢𝘨𝘴𝘶𝘰𝘵 𝘯𝘨 𝘬𝘢𝘴𝘶𝘰𝘵𝘢𝘯𝘨 𝘮𝘢𝘺 𝘵𝘦𝘮𝘢𝘯𝘨 𝘈𝘚𝘌𝘈𝘕 𝘵𝘶𝘸𝘪𝘯𝘨 𝘶𝘯𝘢𝘯𝘨 𝘓𝘶𝘯𝘦𝘴, 𝘢𝘵 𝘍𝘪𝘭𝘪𝘱𝘪𝘯𝘪𝘢𝘯𝘢-𝘪𝘯𝘴𝘱𝘪𝘳𝘦𝘥 𝘯𝘢𝘮𝘢𝘯 𝘵𝘶𝘸𝘪𝘯𝘨 𝘪𝘬𝘢𝘭𝘢𝘸𝘢 𝘩𝘢𝘯𝘨𝘨𝘢𝘯𝘨 𝘪𝘬𝘢-𝘢𝘱𝘢𝘵 𝘯𝘢 𝘓𝘶𝘯𝘦𝘴 𝘯𝘨 𝘣𝘶𝘸𝘢𝘯, 𝘣𝘪𝘭𝘢𝘯𝘨 𝘱𝘢𝘨𝘱𝘢𝘱𝘢𝘬𝘪𝘵𝘢 𝘯𝘨 𝘱𝘢𝘨𝘬𝘢𝘬𝘢𝘪𝘴𝘢 𝘴𝘢 𝘳𝘦𝘩𝘪𝘺𝘰𝘯 𝘢𝘵 𝘱𝘢𝘨𝘱𝘢𝘱𝘢𝘩𝘢𝘭𝘢𝘨𝘢 𝘴𝘢 𝘬𝘶𝘭𝘵𝘶𝘳𝘢.”

Layon ng inisyatibong ito na itaguyod ang kamalayan at pagkakaisa ng mga bansang kasapi ng Association of Southeast Asian Nations (ASEAN), at ipalaganap ang pagpapahalaga sa mayamang kultura ng rehiyon sa hanay ng mga lingkod-bayan at mamamayan.