Ang Barangay Mabolo ay isang istratehikong barangay sa pagitan ng mga barangay Caniogan at Bagong Bayan; sa gawing hilaga naman nito ay ang barangay ng Cofradia. Ang Diversion Road sa gawing silangan ng Mabolo ay may malaking tulong sa mga mamamayan na palabas ng Malolos patungong McArthur Hi-way. Bagama’t may malawak pang kabukiran, hindi maikakaila ang tawag ng urbanisasyon. Malaking bahagi na rin ng Mabolo ang kabahayan at patuloy na umuunlad ang mga negosyo sa lugar. Ang populasyon ng Mabolo ay umabot sa 6,391 katao mula sa may 1,391 kabahayan. Ang kabuuang sukat ng kalupaan ng Mabolo ay humigit kumulang sa anim ( 6) na kilometro kwadrado.