Dating bahagi ng Barangay Tikay, ang Barangay San Pablo ay naitatag sa pagitan ng taong 1963-1964. Mula sa malawak na mga bukirin, ngayon ay maituturing na isa sa mga progresibong barangay sa Malolos. Maraming mga establisimentong nakatayo, mga propesyunal, manggagawa, magsasaka at mga negosyante. May laki at sukat na 155.5 ektaryang lupain, may layo itong 5 kilometro mula sa Poblacion. May bilang na 5,676 kataong populasyon mula sa 1,273 kabahayan.